CCCLXXVIII.

1493, August 6. Breslau.

Quittung des päpstlichen Collectors über ein vom Kloster empfangenes Subsidium.

Nos petrus de Seranis rector parochialis ecclesie de Beccavilla Baiocensis diocesis, in utroque iure baccalaurius, aule sacri Lateranensis palatii comes palatinus, sanctissimi in Christo patris et domini nostri, domini Alexandri divina providentia pape sexti familiaris ac residui unius subsidii per modum decime integre super omnibus monasteriis et aliis beneficiis ordinis Cisterciensis dudum imposite collector, notum facimus habuisse et recepisse a venerabili fratre Simoni granario dicti ordinis Wratislaviensis diocesis, nomine abbatis, prioris et conventus monasterii de Camencz ratione et occassione dicte decime summam XIIII ducatorum. Ex qua causa prefatum abbatem, priorem et conventum dicti monasterii quittamus et liberamus ac quittos et liberos facimus iuxta formam commissionis prefati sanctissimi domini nostri de dato Rome anno incarnationis dominice Mmo CCCCmo LXXXXII° quinto Kalendas Februarii, sui pontificatus anno primo nobis date. In quorum fidem et testimonium omnium et singulorum premissorum hanc quittanciam fieri fecimus nostrumque sigillum in talibus apponi solitum duximus communiri. Datum et actum in dicta civitate Wratislaviensi die VIta mensis Augusti Mmo CCCCmo LXXXXIII°, pontificatus prefati sanctissimi domini nostri etc. anno primo.
De mandato domini collectoris.

Or. Perg. mit dem innen aufgedrückten, sehr verwischten S., des Ausstellers.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.